ಮಾನ್ಯ ಕುಲಪತಿಗಳ ಸಂದೇಶ

ಡಾ. ಕರಿಸಿದ್ದಪ್ಪ, ಗೌರವಾನ್ವಿತ ಕುಲಪತಿಗಳು.

ಅನೇಕ ಶೈಕ್ಷಣಿಕ ವಿಭಾಗಗಳಲ್ಲಿ ಉನ್ನತಮಟ್ಟದ ಸಂಶೋಧನಾ ಜ್ಞಾನ ಅತ್ಯಂತ ಅವಶ್ಯಕ. ಆದರೆ ಅದು ಅಷ್ಟು ಸುಲಭವಲ್ಲ. ನಾವೆಲ್ಲರು ಕೂಡಿ ಪರಸ್ಪರ ಸಹಕಾರ ಹಾಗು ಕಠಿಣ ಪರಿಶ್ರಮದೊಂದಿಗೆ ಇದನ್ನು ಸಾಧಿಸಬಹುದು. ನಾವೆಲ್ಲರೂ ಗುರಿಗಳನ್ನು ನಿಗದಿಪಡಿಸಿ ಅವುಗಳನ್ನು ಗುಣಾತ್ಮಕವಾಗಿ ಸಾಧಿಸೋಣ.

ಜಾರಿಯಲ್ಲಿರುವ ಶಿಕ್ಷಣ ವ್ಯವಸ್ಥೆಯ ಬಗ್ಗೆ ಎಲ್ಲರಿಗೂ ಅರಿವಿರಬೇಕು. ವಿದ್ಯಾರ್ಥಿಗಳ ಸರ್ವಾಂಗೀಣ ಅಭಿವೃಧ್ಧಿಗಾಗಿ ಪ್ರಾಧ್ಯಾಪಕರಿದ್ದಾರೆ. ಅಧ್ಯಾಪಕರು ವಿದ್ಯಾರ್ಥಿಗಳಿಗೆ ಪೂರಕವಾಗಿರಬೇಕು. ಪೋಷಕರು ತಮ್ಮ ಮಕ್ಕಳ ಪ್ರಾಬಲ್ಯ-ದೌರ್ಬಲ್ಯಗಳನ್ನು ಅರಿತಿರಬೇಕು ಮತ್ತು ಅವರ ಶೈಕ್ಷಣಿಕ ಗುರಿಗಳನ್ನು ಸಾಧಿಸಲು ಸಹಾಯಮಾಡಬೇಕು. ಅವರ ಆಯ್ಕೆ ಮತ್ತು ಅಭಿವ್ಯಕ್ತಿಗೆ ತಕ್ಕಂತೆವೃತ್ತಿಗಳನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶವಿರಬೇಕು. ವಿದ್ಯಾರ್ಥಿಗಳು ಕೂಡ ತಮ್ಮ ಯಶಸ್ವಿ ವೃತ್ತಿಪರ ವ್ಯಕ್ತಿಗಳಾಗುವ ಕನಸಿಗೆ ಪೂರಕವಾಗುವ ನಿಯಮಗಳು ಹಾಗು ನಿಬಂಧನೆಗಳ ಬಗ್ಗೆ ಅರ್ಥಮಾಡಿಕೊಳ್ಳಬೇಕು. ಇದು ನಮ್ಮ ಮುಂದೆ ಇರುವ ಬೆಟ್ಟದಂತಹ ಕಾರ್ಯದ ಪ್ರಾರಂಭ, ನಾವು ಸಕಾರಾತ್ಮಕ ಅಂಶಗಳನ್ನು ಮಾತ್ರ ಪರಿಗಣಿಸಿ ನಮ್ಮೆಲ್ಲರ ಉತ್ತಮ ಭವಿಷ್ಯಕ್ಕಾಗಿ ಕೆಲಸ ಮಾಡೋಣ.

ಸಾಧನೆಯ ಹಾದಿಯಲ್ಲಿ ಕಲ್ಲು-ಮುಳ್ಳು ಸಹಜ, ಆದರೆ ಯಾವುದೇ ಪಶ್ಚಾತ್ತಾಪವಿಲ್ಲದೆ ಕಠಿಣ ಪರಿಶ್ರಮ ಮಾಡುತ್ತ ಜಯಶಾಲಿಗಳಾಗೋಣ. ಸಂಘಟನೆಯಲ್ಲಿ ಬಲವಿದೆ ಎಂದು ನಂಬಿದವನು ನಾನು. ನಾವೆಲ್ಲರು ಅತ್ಯಂತ ಪ್ರಾಮಾಣಿಕರಾಗಿ ಹಾಗು ಚಿಂತನಶೀಲರಾಗಿ ಕೆಲಸ ಮಾಡೋಣ.